Blog

“पैसा तर जगात कुठेही कमावता येतो, पण म्हाताऱ्या आई-वडिलांसोबत राहून, स्वतःच्या मातीत जो व्यवसाय उभा करण्यात जी मजा आहे, ती शहरातील एसी केबिनमध्ये नाही!” प्रत्येक तरुणाला वाटतं आपण खूप शिकावं, मोठ्या शहरात नोकरी करावी किंवा व्यवसाय करावा. पण या धावपळीत आपण आपल्या कुटुंबाला कुठेतरी मागे सोडतो. धाराशिव जिल्ह्यातील परंडा शहरात राहणाऱ्या दत्तप्रसाद प्रकाश पाटील या तरुण मेकॅनिकल इंजिनिअरने मात्र याला फाटा दिला. स्वतःचा सोलापूरमधील चांगला चाललेला व्यवसाय आणि शहरातील आयुष्य सोडून ते आपल्या गावी परतले. आज त्यांनी गावातच ‘श्रीकृष्ण कोल्ड प्रेस ऑईल’ (Cold Press Oil Business) हा असा उद्योग उभा केला आहे, ज्यातून ते मोठ्या शहरातील आयटी इंजिनिअरपेक्षाही जास्त कमाई करत आहेत आणि तेही अतिशय समाधानाने! हा चमत्कार त्यांनी कसा केला? मशिनरी कुठून आणली? आणि या व्यवसायातील खरी ‘गुपितं’ काय आहेत? ही संपूर्ण यशोगाथा तुम्हाला व्यवसाय करण्यासाठी नक्कीच एक नवी ऊर्जा देईल. सोलापूरची फाउंड्री ते परंड्याची माती: एक भावनिक निर्णय दत्तप्रसाद यांनी मेकॅनिकल इंजिनिअरिंग पूर्ण केल्यानंतर सोलापूरमध्ये स्वतःचा ‘फाउंड्री’ (Foundry) व्यवसाय सुरू केला होता. गन मेटल, ॲल्युमिनियम डाय कास्टिंगचे काम तिथे चालायचे. व्यवसाय ठीक चालला होता, पण मनात एक मोठी खंत होती. आई-वडील परंड्यात आणि हा एकुलता एक मुलगा व्यवसायासाठी सोलापुरात. सोबतच पार्टनरशिपमधील काही अडचणी आणि लोकल मार्केटचा अभाव यामुळे व्यवसायात ताण वाढत होता. शेवटी, आई-वडिलांना सोडून असा तणावपूर्ण व्यवसाय करण्यापेक्षा, स्वतःच्या गावात जाऊन असा व्यवसाय करावा जो माणसांच्या थेट आरोग्याशी आणि रोजच्या गरजांशी जोडलेला असेल, असा ठाम निर्णय त्यांनी घेतला आणि परंड्याला वापसी केली. आरोग्याचं राजकारण आणि ‘Cold Press Oil Business’ चा जन्म सध्याच्या युगात आपण पाहतोय की, कमी वयातच लोकांना हार्ट अटॅक येत आहेत, ब्लॉकेजेसच्या समस्या वाढत आहेत. यामागचे सर्वात मोठे कारण म्हणजे आपण रोज खात असलेले रिफाईंड आणि भेसळयुक्त तेल. दत्तप्रसाद यांना यातच एक मोठी व्यावसायिक संधी आणि सामाजिक कार्य दिसले. लोकांना १००% शुद्ध, नैसर्गिक खाद्यतेल (Natural Edible Oil) कसे देता येईल, यावर त्यांनी अभ्यास सुरू केला. बाजारातील अनेक मशिन्स पाहिल्यानंतर त्यांचा शोध एका अचूक तंत्रज्ञानावर येऊन थांबला. मशिनरी आणि तंत्रज्ञान: व्यवसायाचा कणा हा व्यवसाय यशस्वी होण्यामागे त्यांनी निवडलेल्या मशिनरीचा खूप मोठा वाटा आहे. त्यांनी ‘भारत ॲग्रीटेक, लातूर’ (Bharat Agritech) यांचे ‘कोल्ड प्रेस ऑईल मशीन’ खरेदी केले. या मशीनची आणि प्रक्रियेची खासियत काय? तापमानाचे विज्ञान: साधारण मशीनमध्ये तेल काढताना बिया खूप गरम होतात आणि त्यातील पोषणतत्त्वे जळून जातात. पण या कोल्ड प्रेस मशीनमध्ये तेल काढताना तापमान फक्त ३५ ते ३७ अंश सेल्सिअस (35°C – 37°C) असते. हे तापमान आपल्या मानवी शरीराच्या तापमानाशी तंतोतंत जुळते! यामुळे तेलातील जीवनसत्त्वे (Vitamins) १००% सुरक्षित राहतात आणि तेल एकदम थंड निघते. कामातील सुलभता: जर तुम्ही सूर्यफूल किंवा करडईचे तेल काढत असाल, तर आधी त्याची ‘डाळ’ बनवण्याची किंवा टरफल काढण्याची झंझट या मशीनमध्ये नाही. थेट बिया मशीनमध्ये टाकल्या की एकाच वेळी उत्तम क्रशिंग होते. उत्पादन क्षमता: या मशीनमध्ये एका तासामध्ये साधारण २ क्विंटल करडईचे क्रशिंग सहज होते, ज्यातून तब्बल ४५ ते ५० लिटर अत्यंत शुद्ध तेल मिळते. दत्तप्रसाद यांचा हा संपूर्ण सेटअप, मशिनरीचे काम आणि त्यांचा प्रत्यक्ष अनुभव पाहण्यासाठी आमची ही खास व्हिडिओ मुलाखत नक्की पहा: Cold Press Oil Business चे गणित: भरघोस नफा आणि शून्य कचरा हा व्यवसाय केवळ तेल विकण्यापुरता मर्यादित नाही. यामागे एक अतिशय हुशार बिझनेस मॉडेल आहे. दत्तप्रसाद यांची परंड्यापासून २० किलोमीटरवर २४ एकर स्वतःची शेती आहे. ते स्वतःच्या शेतात सूर्यफूल, करडई आणि भुईमूग (शेंगदाणा) पिकवतात. स्वतःचाच कच्चा माल असल्यामुळे खर्चात मोठी बचत होते. पेंड्यातूनही होतोय लाखोंचा फायदा तेल काढल्यानंतर जी चोथा किंवा ‘पेंड’ (Oil Cake) उरते, ती वाया जात नाही. उलट ती अतिशय महागड्या दराने ‘पशुखाद्य’ म्हणून विकली जाते: ग्राहकांचा विश्वास आणि आरोग्याची बचत तुम्हाला ऐकून आश्चर्य वाटेल, पण हे नैसर्गिक तेल रिफाईंड तेलापेक्षा जास्त दिवस पुरते! दत्तप्रसाद यांच्या ग्राहकांचा प्रत्यक्ष अनुभव आहे की, जिथे स्वयंपाकासाठी पूर्वी महिन्याला १० लिटर रिफाईंड तेल लागायचे, तिथे हे घट्ट आणि शुद्ध कोल्ड प्रेस तेल फक्त ६.५ (साडेसहा) लिटर लागते. आणि भाजीची चव? अगदी ३०-३५ वर्षांपूर्वी आपल्या आजीच्या हातच्या जेवणासारखी! आज ‘श्रीकृष्ण कोल्ड प्रेस ऑईल’ हा त्यांचा स्वतःचा FSSAI रजिस्टर ब्रँड आहे. परिसरातील डॉक्टर, वकील, मेडिकल व्यावसायिक आणि शिक्षक हे त्यांचे कायमस्वरूपी ग्राहक बनले आहेत. तरुणांसाठी मोलाचा संदेश जर तुमच्या मनातही स्वतःचा व्यवसाय सुरू करण्याची आग असेल, तर दत्तप्रसाद पाटील यांची ही यशोगाथा तुमच्यासाठी एक उत्तम उदाहरण आहे. फूड इंडस्ट्री आणि शुद्ध अन्नाचा व्यवसाय हा कधीही बंद न पडणारा उद्योग आहे. योग्य मशिनरी आणि प्रामाणिकपणा असेल, तर गावात राहूनही यशाचे शिखर गाठता येते. तुम्हालाही हा Cold Press Oil Business सुरू करायचा आहे का? 9657776454 ह्या नंबर वर Whatsapp करा. शेतकरी मित्रांनो, “नुसते उत्पादक न राहता, आता उत्पादक सोबत विक्रेता पण बना” या आपल्या तत्त्वानुसार काम करणारे दत्तप्रसाद हे एक आदर्श उद्योजक आहेत. शेतीपूरक व्यवसायांच्या अशाच प्रेरणादायी यशोगाथा, अचूक बिझनेस प्लॅन्स आणि मार्केटिंग टिप्स मिळवण्यासाठी आजच आपल्या ३ लाख ५० हजार हून अधिक प्रगतशील शेतकऱ्यांच्या डिजिटल कुटुंबाचा भाग व्हा. अधिक माहितीसाठी आणि नवनवीन बिझनेस आयडियाजसाठी आमच्या वेबसाईटला नियमित भेट द्या. 👉 वेबसाईट: www.shetkaribusiness.com मित्रांनो, ही यशोगाथा आणि माहिती तुम्हाला कशी वाटली? हे कॉमेंट करून नक्की सांगा आणि आपल्या परिसरातील तरुणांना आणि शेतकरी मित्रांना व्यवसायासाठी प्रेरित करण्यासाठी हा लेख जास्तीत जास्त शेअर करा! FAQ वारंवार विचारले जाणारे प्रश्न कोल्ड प्रेस ऑईल व्यवसाय, मशिनरी, मार्केटिंग आणि व्यवसायाच्या संधींबद्दल शेतकरी व उद्योजकांना पडणाऱ्या महत्त्वाच्या प्रश्नांची उत्तरे. कोल्ड प्रेस ऑईल व्यवसाय म्हणजे काय? + कोल्ड प्रेस ऑईल व्यवसायामध्ये सूर्यफूल, करडई, शेंगदाणा, तीळ यांसारख्या तेलबियांचे यांत्रिक पद्धतीने तेल काढले जाते. या प्रक्रियेमध्ये तेलासोबत तेलपेंड मिळते, त्यामुळे तेल विक्रीसोबत तेलपेंड विक्रीतूनही अतिरिक्त उत्पन्न मिळवता येते. कोल्ड प्रेस ऑईलचा व्यवसाय गावात सुरू करता येतो का? + हो. योग्य जागा, कच्चा माल, मशिनरी, वीजपुरवठा, अन्नसुरक्षा नियम, पॅकेजिंग आणि स्थानिक बाजारपेठेचा अभ्यास करून हा व्यवसाय ग्रामीण भागातही सुरू करता येतो. कोल्ड प्रेस ऑईल व्यवसायासाठी कोणती मशिनरी लागते? + व्यवसायाच्या क्षमतेनुसार ऑईल एक्सपेलर किंवा कोल्ड प्रेस मशीन, फिल्टरिंग सिस्टम, तेल साठवण्यासाठी टाक्या किंवा कंटेनर, वजनकाटा, पॅकिंगसाठी आवश्यक उपकरणे आणि इतर सहाय्यक साधनांची आवश्यकता असू शकते. कोल्ड प्रेस ऑईल व्यवसायात कोणत्या तेलबियांचा वापर करता येतो? + शेंगदाणा, सूर्यफूल, करडई, तीळ आणि इतर तेलबियांचा वापर करता येतो. कोणत्या बियांचे तेल उत्पादन करायचे हे ठरवताना स्थानिक उपलब्धता, कच्च्या मालाचा खर्च, तेलाची रिकव्हरी आणि ग्राहकांची मागणी यांचा अभ्यास करणे महत्त्वाचे आहे. कोल्ड प्रेस ऑईल व्यवसायात तेलाव्यतिरिक्त उत्पन्न मिळू शकते का? + हो. तेल काढल्यानंतर मिळणारी तेलपेंड (Oil Cake) योग्य वापरासाठी विकली जाऊ शकते. त्यामुळे व्यवसायाचे उत्पन्न केवळ तेलाच्या विक्रीवर अवलंबून राहत नाही. स्वतःच्या शेतातील तेलबिया वापरल्यास फायदा होतो का? + स्वतःच्या शेतातील कच्चा माल उपलब्ध असल्यास बाहेरून कच्चा माल खरेदी करण्यावरील काही खर्च कमी होऊ शकतो.

महाराष्ट्रातील बहुतांश ऊस उत्पादक शेतकरी आजही एकरी 25 ते 30 टन उत्पादनावरच अडकलेले आहेत. काही प्रगतशील शेतकरी जास्तीत जास्त 100 ते 110 टनांपर्यंत पोहोचतात. पण, सांगली जिल्ह्यातील कडेगाव तालुक्यातील (चिंचणी आंब) प्रगतशील शेतकरी वैभव गुरव यांनी या मर्यादा ओलांडत एक नवा विक्रम प्रस्थापित केला आहे. अनुक्रमणिका (Table of Contents): गेली 15 वर्षे ऊस शेती करणाऱ्या वैभव गुरव यांनी पारंपारिक 4.5 फुटांची पद्धत मोडीत काढत, थेट 9 फुटांच्या सरीत 86032 वाणाची लागवड केली आहे. या अनोख्या प्रयोगातून ते एकरी 150 ते 170 टन उत्पादनाचे उद्दिष्ट साध्य करत आहेत. हा प्रयोग पश्चिम महाराष्ट्रातील पहिलाच असावा, ज्याची सध्या कृषी क्षेत्रात मोठी चर्चा आहे. 1. 9 फुटांची सरी का? (सूर्यप्रकाशाची जादू)पारंपारिक पद्धतीने ऊस दाट लावला की जास्त उत्पादन मिळते, हा मोठा गैरसमज आहे. वैभव गुरव यांच्या मते, 4 ते 4.5 फुटांच्या सरीत ऊस मोठा झाल्यावर बुंध्याला सूर्यप्रकाश मिळत नाही, ज्यामुळे नवीन येणारे लहान कोंब (फुटवे) अन्न न मिळाल्याने मरून जातात. याउलट, 9 फुटांचे अंतर ठेवल्यामुळे उसाच्या तळापर्यंत भरपूर सूर्यप्रकाश आणि हवा खेळती राहते. यामुळे उसाला नवीन कोंब (Watershoots) मोठ्या प्रमाणावर येतात आणि अत्यंत वेगाने वाढतात. याच अतिरिक्त कोंबांमुळे उत्पादनात दीडपट वाढ होऊन एका उसाचे वजन 4 ते 5 किलोपर्यंत भरण्याची अपेक्षा आहे. 2. खतांचे अचूक ‘लेयरिंग’ आणि पूर्वमशागतकेवळ अंतर वाढवून भागत नाही, तर अन्नाचा पुरवठाही तितकाच महत्त्वाचा असतो: 3. उसाला पाणी द्या, जमिनीला नाही!ऊस हे जास्त पाण्याचे पीक आहे म्हणून शेतकरी रात्रंदिवस पाणी सोडून देतात. पण, वैभव गुरव यांनी 100% ठिबक सिंचनाचा (Drip Irrigation) वापर केला आहे. 4. यांत्रिकीकरणामुळे मजुरी आणि रोगांवर मातदोन सऱ्यांमध्ये 9 फुटांचे अंतर असल्याने, ट्रॅक्टर सहजपणे उसात जाऊ शकतो. यामुळे मजुरांवर अवलंबून न राहता ट्रॅक्टरच्या साहाय्याने फवारणी (Spraying) करणे शक्य झाले. दाट उसात फवारणी शक्य नसते, पण 9 फुटांच्या जागेमुळे त्यांनी आतापर्यंत 8 ते 9 फवारण्या घेतल्या आहेत. यामुळे मावा, तांबेरा किंवा करपा यांसारखे रोग उसावर फिरकलेच नाहीत आणि उसाची जाडी लक्षणीय वाढली. प्रत्यक्ष पुरावा: 4.5 फूट विरुद्ध 9 फूट: लोकांना प्रत्यक्ष फरक कळावा म्हणून त्यांनी आपल्या शेतात एक सरी 4.5 फुटांचीही लावली आहे. 4.5 फुटांच्या सरीत उसाची वाढ खुंटली आहे, कांडी अवघी 8 ते 10 इंच आहे आणि सूर्यप्रकाशाअभावी नवीन कोंब मरून गेले आहेत. याउलट, 9 फुटांच्या सरीत 9 महिन्यांतच 15 ते 20 कांड्या तयार झाल्या असून, पुढे त्या 32 कांड्यांपर्यंत जातील असा विश्वास आहे. “डोळे झाकून शेती करण्यापेक्षा, डोळे उघडे ठेवून शेती केलेली केव्हाही उत्तम,” हा वैभव गुरव यांचा सल्ला प्रत्येक शेतकऱ्याने अमलात आणण्यासारखा आहे. तुम्हालाही तुमच्या उसाचे उत्पादन एकरी 100 ते 150 टनांपर्यंत न्यायचे आहे का? वैभव गुरव यांच्यासारखे आधुनिक तंत्रज्ञान, खत व्यवस्थापनाचे वेळापत्रक आणि फवारणीची संपूर्ण गुप्त माहिती हवी आहे?आम्ही तुमच्यासाठी एक खास आणि सविस्तर ‘ऊस शेती व्यवस्थापन PDF’ तयार केली आहे! या एका PDF मध्ये तुम्हाला उसाची लागवड, खतांचे डोस, पाण्याचे नियोजन आणि रोगराई नियंत्रणाची ए टू झेड (A to Z) माहिती मिळेल. 👇 आत्ताच खालील लिंकवर क्लिक करा आणि तुमची PDF डाउनलोड करा: 👇 [ येथे क्लिक करून PDF डाउनलोड करा – ऊस शेती व्यवस्थापन PDF ] वेळ वाया घालवू नका, आजच स्मार्ट शेतकरी बना आणि तुमचे उत्पादन दुप्पट करा! वारंवार विचारले जाणारे प्रश्न (FAQs) – ऊस शेती 9 फूट सरी प्रयोग प्रश्न 1: ऊस लागवडीसाठी 9 फुटांची सरी का फायद्याची आहे? उत्तर: 9 फुटांच्या सरीत उसाच्या बुंध्यापर्यंत पुरेसा सूर्यप्रकाश पोहोचतो आणि हवा सतत खेळती राहते. यामुळे उसाला नवीन कोंब (Watershoots) वेगाने फुटतात आणि उसाची जाडी व वजन वाढते. प्रश्न 2: 9 फुटांच्या सरीत उसाचे एकरी उत्पादन किती मिळते? उत्तर: प्रगतशील शेतकरी वैभव गुरव यांच्या प्रयोगातून हे सिद्ध झाले आहे की, 9 फुटांच्या सरीत योग्य व्यवस्थापन केल्यास एकरी 150 ते 170 टन विक्रमी ऊस उत्पादन मिळवणे सहज शक्य आहे. प्रश्न 3: 150 टन उत्पादनासाठी उसाचे कोणते वाण वापरले आहे? उत्तर: या विक्रमी उत्पादनाच्या प्रयोगासाठी ‘86032’ हे वाण वापरले आहे. प्रश्न 4: उसाला पाणी देण्याची योग्य पद्धत कोणती? उत्तर: यासाठी 100% ठिबक सिंचनाचा (Drip Irrigation) वापर करणे उत्तम. एका आठवड्यात एका बाजूला पाणी देऊन दुसऱ्या बाजूची जमीन विश्रांतीवर (Rest period) ठेवल्यास जमिनीतील जिवाणू उत्तम काम करतात. प्रश्न 5: खत व्यवस्थापन कसे केले जाते? उत्तर: बेड तयार करताना ‘लेयरिंग पद्धत’ वापरली जाते; ज्यामध्ये कोंबडी खताचा एक थर, त्यावर माती आणि मग रासायनिक खताचा थर दिला जातो. यामुळे खत थेट मुळांना मिळते. प्रश्न 6: मजुरीचा खर्च कसा वाचतो? उत्तर: दोन सऱ्यांमध्ये 9 फुटांचे अंतर असल्यामुळे तण व्यवस्थापन आणि औषध फवारणी (Spraying) ब्लोअरच्या साहाय्याने थेट ट्रॅक्टरने करणे शक्य होते. ऊस शेतीचे संपूर्ण व्यवस्थापन जाणून घ्या! उत्पादन दुप्पट करण्यासाठी लागवड पद्धत, खतांचे अचूक डोस आणि ट्रॅक्टर फवारणीचे वेळापत्रक असलेली खास PDF मिळवा. येथे क्लिक करून PDF डाउनलोड करा

सोशल मीडियावर सध्या एका वेगळ्याच पक्षाची जोरदार वादळी हवा सुरू आहे, ज्याचं नाव आहे ‘Cockroach Janta Party’ (CJP). कोणतेही मोठे राजकीय नेते नाहीत, कोट्यवधी रुपयांचा फंड नाही आणि कोणतीही जाहिरात नाही; तरीही अवघ्या ४ दिवसांत या पेजने 60 लाखांपेक्षा जास्त फॉलोअर्सचा टप्पा पार केलाय आणि 4.5 लाखांपेक्षा जास्त तरुण यामध्ये गुगल फॉर्मद्वारे अधिकृतपणे जोडले गेले आहेत. पण एक डिजिटल बिझनेसमन आणि परफॉर्मन्स मार्केटर म्हणून या घटनेकडे पाहिले, तर हा केवळ एक सोशल मीडिया ट्रेंड नाही, तर हा 2026 मधील सर्वात मोठा ‘व्हायरल मार्केटिंग’चा धडा (Case Study) आहे! हा संपूर्ण प्रकार काय आहे आणि यातून आपल्याला आपल्या व्यवसायाची वाढ करण्यासाठी काय शिकता येईल, हे आज आपण सोप्या भाषेत समजून घेऊया. ‘कॉकरोच जनता पार्टी’ नक्की कशी सुरू झाली? (The Story) 15 मे 2026 रोजी सुप्रीम कोर्टातील एका सुनावणीदरम्यान देशातील बेरोजगार तरुण आणि सोशल मीडिया युजर्सबद्दल एक टिप्पणी करण्यात आली, ज्यामध्ये त्यांना ‘कॉकरोच’ (झुरळ) असे संबोधण्यात आले. या विधानाचा राग मानून सोशल मीडियावर वाद घालत बसण्याऐवजी, महाराष्ट्रातील औरंगाबादच्या अभिजित दिपके या 30 वर्षीय डिजिटल मीडिया स्ट्रॅटेजिस्टने या अपमानालाच एक ‘ब्रँड’ बनवून टाकले! त्यांनी पुढच्या 24 तासांत ‘Cockroach Janta Party’ चे इन्स्टाग्राम आणि एक्स (Twitter) अकाऊंट सुरू केले आणि एक साधी गुगल फॉर्मची लिंक शेअर केली. पाहता पाहता देशातील लाखो सुशिक्षित बेरोजगार आणि सिस्टीमवर नाराज असलेल्या तरुणांनी याला आपली चळवळ बनवले. या व्हायरल मोहिमेतून उद्योजकांनी शिकण्यासारखे 5 बिझनेस धडे (Viral Marketing Lessons) तुम्ही शेतीपूरक व्यवसाय करत असाल, डिजिटल प्रॉडक्ट्स विकत असाल किंवा कोणताही स्टार्टअप चालवत असाल, हा ट्रेंड तुम्हाला 5 महत्त्वाच्या गोष्टी शिकवतो: 1. अपमानाला किंवा कमकुवतपणाला आपली ताकद बनवा (Own the Insult) जब कोणी तुमच्यावर टीका करतं किंवा तुम्हाला कमी लेखतं, तेव्हा त्यालाच आपली ताकद बनवणे हा देशातील सर्वात मोठा ब्रँड गेम असतो. Cockroach Janta Party ने ‘कॉकरोच’ या शब्दाचा राग न मानता तो अभिमानाने स्वीकारला. व्यवसायातही आपल्या प्रॉडक्टच्या किंवा ब्रँडच्या उणिवा लपवण्याऐवजी, त्या प्रामाणिकपणे स्वीकारून ग्राहकांसोबत विश्वासाचे नाते (Authentic Branding) तयार करता येते. 2. योग्य वेळी अचूक पाऊल (Timing IS the Strategy) सोशल मीडियावरील कोणत्याही व्हायरल गोष्टीचे आयुष्य २४ ते ४८ तास असते. अभिजित यांनी वेळ न घालवता २४ तासांच्या आत प्लॅटफॉर्म आणि फॉर्म लॉन्च केला. जर त्यांनी आठवडाभर विचार केला असता, तर हा ट्रेंड निघून गेला असता. व्यवसायातही मार्केटमधील नवीन संधी ओळखून ‘फर्स्ट मूव्हर ॲडव्हांटेज’ (First Mover Advantage) घेणे खूप गरजेचे असते. 3. ग्राहकांसाठी संपर्क सोपा ठेवा (Zero Friction Entry) या पार्टीत सामील होण्यासाठी कोणतीही अवघड फी किंवा प्रक्रिया नव्हती. “सुशिक्षित बेरोजगार आणि २४ तास ऑनलाईन राहणारे तरुण” अशी गमतीशीर पात्रता ठेवून फक्त एक गुगल फॉर्म भरायचा होता. तुमच्या व्यवसायातही ग्राहकाला तुमच्याकडून खरेदी करणे किंवा तुमच्याशी जोडणे जितके सोपे (Simple) असेल, तितकी विक्री जास्त होते. 4. भावना + विनोद = सर्वात मोठे मार्केटिंग (Emotion × Humour) या मोहिमेत तरुणांची ‘बेरोजगारीची’ खरी खंत आणि दुःख होते (Emotion) आणि मांडणीमध्ये जबरदस्त विनोद आणि उपरोध (Satire) होता. जेव्हा तुम्ही लोकांच्या खऱ्या भावनांना हात घालता आणि त्यांना समजेल अशा भाषेत बोलता, तेव्हा तुम्हाला जाहिरातींवर एक रुपयाही खर्च करावा लागत नाही; लोक स्वतःहून तुमची जाहिरात करतात. 5. कम्युनिटी (समुदाय) निर्माण करा, फक्त ग्राहक नाही Cockroach Janta Party ने तरुणांना एक हक्काची जागा (Tribe) मिळवून दिली. प्रत्येक जोडल्या गेलेल्या तरुणाला वाटले की, “हे माझ्याबद्दल बोलत आहेत.” आजच्या काळात यशस्वी बिझनेस तोच ठरतो जो फक्त वस्तू विकत नाही, तर आपल्या ग्राहकांची एक मजबूत कम्युनिटी तयार करतो. जसे आपण ‘शेतकरी बिझनेस‘ च्या माध्यमातून एकत्र आलो आहोत! 🎯 शेतकरी बिझनेसचा सल्ला (Conclusion) आम्ही डिजिटल परफॉर्मन्स मार्केटिंग आणि बिझनेस चालवताना रोज फेसबुक, गुगल डॅशबोर्ड्स, CTR आणि बजेटचा विचार करतो. पण या ‘कॉकरोच जनता पार्टी’च्या ट्रेंडने सिद्ध केले की: “सर्वात मोठी आणि यशस्वी मार्केटिंग मोहीम फेसबुक ॲड्स मॅनेजरमध्ये नाही, तर लोकांच्या खऱ्याखुऱ्या भावनेवर आणि सत्यावर उभी राहते.” जेव्हा तुमच्या ग्राहकाच्या मनात एखादी भावना आधीपासूनच असते, तेव्हा व्यावसायिक म्हणून तुमचे काम फक्त त्याला एक नाव, एक प्रतीक आणि एक हक्काचे व्यासपीठ देणे हे असते. त्यासाठी मोठ्या बजेटची नाही, तर अचूक वेळेची आणि धाडसाची गरज असते! 💬 तुम्हाला काय वाटते? हा सोशल मीडियाचा तात्पुरता ट्रेंड आहे की यातून पुढे काही मोठी डिजिटल क्रांती घडेल? कमेंट करून नक्की सांगा आणि हा लेख तुमच्या तरुण मित्रांना नक्की शेअर करा! शेती, उद्योग आणि डिजिटल बिझनेसच्या अशाच नवनवीन केस स्टडीज आणि मार्गदर्शनासाठी Shetkari Business (उत्पादक सोबत विक्रेता बना) ला नक्की फॉलो करा. लेखात आलेल्या मुख्य प्रवाहातील मीडियाच्या संदर्भासाठी, आम्ही आधी चर्चा केलेल्या विश्वसनीय ABP News च्या व्हिडिओची लिंक Other Infomation Visit: https://shetkaribusiness.com/